នៅព្រឹកថ្ងៃសុក្រទី២៦ខែឧសភា ឆ្នាំ២០២៣នេះលោកឧត្តមសេនីយ៍ត្រី ហេង វុទ្ធី ស្នងការនគរបាលខេត្តកំពង់ចាម បានដឹកនាំសហការី ចុះសួរសុខទុក្ខ និងត្រួតពិនិត្យអាគារប៉ុស្តិ៍នគរបាលរដ្ឋ និងទីតាំងសម្រាប់សាងសង់ប៉ុស្តិ៍ ចំនួនបីកន្លែង នៃអធិការដ្ឋាននគរបាលស្រុកកំពង់សៀម ដែលត្រូវផ្ដួចផ្ដេីមចលនាសាងសង់ជាអាគារថ្មី ឲ្យសមស្របជាអាគារដែលមានលក្ខណៈបច្ចេកទេស និងសមស្របជាអាគារប៉ុស្តិ៍នគរបាលរដ្ឋបាល ដេីម្បីសម្រួលដល់ការបម្រេីការងារប្រចាំថ្ងៃរបស់កងកម្លាំង និងក្នុងការបម្រើសេវាជូនប្រជាលរដ្ឋក្នុងមូលដ្ឋានរបស់ខ្លួន មានដូចជា÷
១-ប៉ុស្តិ៍នគរបាលរដ្ឋបាល អំពិល
២-ប៉ុស្តិ៍នគរបាលរដ្ឋបាល ក្រឡា
៣-ប៉ុស្តិ៍នគរបាលរដ្ឋបាល រអាង
យោងប៉ុស្តិ៍ទាំងបីនេះគ្រោងនិងសាងសង់អាគារថ្មី ក្នុងពេលឆាប់ៗខាងមុខនេះ ។
បន្ទាប់លោកឧត្តមសេនីយ៍ត្រីស្នងការខេត្ត
ក៏បានបន្តចុះសួរសុខទុក្ខ និងណែនាំលេីការអនុវត្តការងារជំនាញដល់កងកម្លាំងប៉ុស្តុ៍នគរបាលរដ្ឋបាល វិហារធំ ផងដែរ។
ក្នុងឱកាសននោះដែលលោកឧត្តមសេនីយ៍ត្រី ហេង វវុទ្ធីស្នងការនគរបាលខេត្តកំពង់ចាមក៏បាននាំយកអំណោយដ៏ថ្លៃថ្លារបស់ ឯកឧត្តម នាយឧត្តមសេនីយ៍សន្តិបណ្ឌិត អគ្គស្នងការនគរបាលជាតិមានដូចថវិកានិងគ្រឿងឧបភោគបរិភោគមួយចំនួនបានឧបត្ថម្ភដល់កងកម្លាំងប៉ុស្តិ៍នគរបាលរដ្ឋបាល និងបានណែនាំឲ្យគ្រប់កងកម្លាំង គោរពនូវវិន័យកងកម្លាំង និងខិតខំយកចិត្តទុកដាក់ខ្ពស់លេីការបម្រេីសេវាជូនប្រជាពលរដ្ឋក្នុងមូលដ្ឋានរបស់ខ្លួន ៕
