ឯកឧត្តមនាយឧត្តមសេនីយសែម សុវណ្ណនី អញ្ជើញសំណេះសំណាល ដល់កងកម្លាំងវិស្វកម្មលេខ៥៧៦ទៅបំពេញ បេសកកម្មមនុស្សធម៌ នៅសាធារណរដ្ឋអាហ្វ្រិកកណ្តាល..!

នៅយប់ថ្ងៃទី១៩ ខែកុម្ភៈ ឆ្នាំ២០២១នេះ បានចេញទៅបំពេញបេសកកម្មមនុស្សធម៌ នៅសាធារណរដ្ឋអាហ្វ្រិកកណ្តាល ក្រោមឆត្រអង្គការសហប្រជាជាតិ។

កងកម្លាំងវិស្វកម្មលេខ៥៧៦ ចំនួន២០៤នាក់ នៃមជ្ឈមណ្ឌលជាតិសម្រាប់កងកម្លាំងរក្សាសន្តិភាព និងបោសសម្អាតមីន និងគ្រាប់មិនទាន់ផ្ទុះ (ទាហានមួកខៀវ) បានចាកចេញពីអាកាសយានដ្ឋានអន្តរជាតិភ្នំពេញ នៅវេលាម៉ោង ១១៖៤៥នាទីយប់នេះ។

ក្រោមអធិបតីភាព ឯកឧត្តមនាយឧត្តមសេនីយ សែម សុវណ្ណនី អនុប្រធានគណៈកម្មាធិការជាតិ និងជាអគ្គនាយកមជ្ឈមណ្ឌលជាតិគ្រប់គ្រងកម្លាំងរក្សាសន្តិភាពបោសសម្អាតមីន និងកាក សំណល់សង្គ្រាម តំណាងដ៏ខ្ពង់ខ្ពស់ សម្តេចពិជ័យសេនា ទៀ បាញ់ ឧបនាយកមន្ត្រី រដ្ឋមន្ត្រីក្រសួងការពារជាតិ ឧបនាយករដ្ឋមន្ត្រីប្រាក់ សុខុន រដ្ឋមន្ត្រីក្រសួងការបរទេស និងកិច្ចសហប្រតិបតិ្តការអន្តរជាតិ និងជាប្រធានគណៈកម្មាធិការជាតិសម្របសម្រួលបញ្ជូនកងកម្លាំងថែរក្សាសន្តិភាព។

ការបញ្ជូនកម្លាំងថែរក្សាសន្តិភាពប្តូរវេន នៃកងកម្លាំងវិស្វកម្មលេខ៥៧៦នេះ គឺត្រូវបន្តសាងសង់សំណង់ផ្តេក សំណង់បញ្ឈរជាច្រើន នៅក្នុងតំបន់បេសកកម្មដែលបានកំណត់ដោយអង្គការសហ ប្រជាជាតិ។

នៅពេលកងកម្លាំងវិស្វកម្មលេខ៥៧៦ បញ្ជូនទៅដល់តំបន់បេសកកម្មនៅសាធារណរដ្ឋអាហ្វ្រឹកកណ្តាលរួចហើយ កងកម្លាំងវិស្វកម្មលេខ៤៩៥ ចំនួន២០៤នាក់ ក្នុងនោះមានស្ត្រី១០រូប ដែលបានបញ្ចប់ការងារបំពេញ បេសកកម្មថែរក្សាសន្តិភាពអង្គការសហប្រជាជាតិ នៅសាធារណរដ្ឋអាហ្វ្រិកកណ្តាល ចំនួន១ឆ្នាំរួចហើយនេះ នឹងត្រឡប់មកដល់មាតុភូមិកម្ពុជាវិញ នៅថ្ងៃទី២១ ខែកុម្ភៈ ឆ្នាំ ២០២០ ហើយនឹងត្រូវដាក់ឱ្យធ្វើចត្តាឡីស័កស្នាក់នៅដាច់ ដោយឡែក ចំនួន១៤ថ្ងៃមុន និងអនុញ្ញាតឱ្យទៅជួបគ្រួសារ ។

សម្រាប់កងកម្លាំងវិស្វកម្មលេខ៤៩៥ ចំនួន២០៤នាក់ ក្នុងនោះមានស្ត្រី១០រូប ដែលបានបញ្ចប់ការងារបំពេញ បេសកកម្ម និងបានធ្វើចត្តាឡីស័កចំនួន១៤ថ្ងៃ នៅសាធារណរដ្ឋអាហ្វ្រិកកណ្តាល លទ្ធផលមានសុខភាពល្អទាំងអស់គ្នា មិនមានអ្នកឆ្លងជំងឺកូវីដ-១៩ ទេ។

សូមបញ្ជាក់ថា ចាប់តាំងពីឆ្នាំ២០០៦ មកដល់បច្ចុប្បន្ន កម្ពុជាបានបញ្ជូនកម្លាំង សរុបចំនួន៧,៥១៧នាក់ហើយ ក្នុងនោះមានស្រ្តីចំនួន ៤៦៦នាក់ ទៅចូលរួមបេសកកម្មរបស់អង្គការ
សហប្រជាជាតិខណៈបច្ចុប្បន្នកម្ពុជា មានកម្លាំងចំនួនប្រមាណជិត ១០០០ នាក់ ដែលកំពុងបំពេញបេសក កម្មនៅប្រទេសចំនួន៥ រួមមាន ៖ ប្រទសស៊ូដង់, សាធារណរដ្ធស៊ូដង់ខាងត្បូង, អាហ្វ្រិកកណ្តាល, លីបង់ និងម៉ាលី។

តាមរយៈកិច្ចការងាររបស់កងកម្លាំងមួកខៀវកម្ពុជាដែលចូលរួមបំពេញបេសកកម្មមនុស្សធម៌ទាំងអស់នេះ បានធ្វើឱ្យប្រទេសកម្ពុជា ក្លាយជាប្រទេសបរិច្ចាគកម្លាំងរក្សាសន្តិភាពដែលច្រើនជាងគេក្នុងតំបន់អាស៊ាន៕FB_IMG_1613778836067 FB_IMG_1613778910122 FB_IMG_1613778900902 FB_IMG_1613778884611 FB_IMG_1613778881214 FB_IMG_1613778889244 FB_IMG_1613778876893 FB_IMG_1613778869805 FB_IMG_1613778863747 FB_IMG_1613778851878

You might like