ចាងហ្វាងការផ្សាយ នាង សុផល | ការិយាល័យនិពន្ធ ៖ 031 5155525
ព័ត៌មាន​ថ្មី
- សម្តេចពិជ័យសេនា ទៀ បាញ់ ដឹកនាំប្រតិភូអន្តរ ក្រសួងចូលរួមបួងសួងសុំសេចក្តីសុខនៅព្រះអង្គចេកព្រះអង្គចម - ទំនប់ទឹករលាំងជ្រៃគឺជាតំបន់កំសាន្ដសំរាប់ភ្ញៀវទេសចរណ៍ដែលចូលចិត្តស្ទូចត្រីនៅចុងសប្តាហ៍ - អាវុធហត្ថរាជធានីភ្នំពេញ ចូលរួមប្រជុំ Video Conference ស្តីពីការផ្សព្វផ្សាយអំពីរចនាសម្ព័ន្ធចាត់តាំងកងរាជអាវុធហត្ថ - ឧត្តមសេនីយ៍ឯក ហ៊ុន ម៉ាណែត ធ្វើទស្សនកិច្ចក្រុមហ៊ុន Cellcard ដើម្បីស្វែងយល់អំពីឌីជីថល5G - ជួបប្រជុំពិភាក្សាការងារជាមួយ ប្រតិភូគណៈកម្មការទី៧ នៃព្រឹទ្ធសភា - នាយឧត្តមសេនីយ៍សៅ សុខាអនុញ្ញាតឱ្យនាយនគរបាលជាន់ខ្ពស់ អូស្ត្រាលីចូលជួបសម្តែងការគួរសម និងពិភាក្សាការងារ - នាយឧត្តមសេនីយ៍សៅ សុខាអនុញ្ញាតឱ្យនាយនគរបាលជាន់ខ្ពស់ អូស្ត្រាលីចូលជួបសម្តែងការគួរសមនិងពិភាក្សាការងារ - នាយឧត្តមសេនីយ៍សៅ សុខាអនុញ្ញាតឱ្យនាយនគរបាលជាន់ខ្ពស់អូស្ត្រាលីចូលជួបសម្តែងការគួរសមនិងពិភាក្សាការងារ - -

ឯកឧត្តម អ៊ុន ចាន់ដា អភិបាលខេត្តកំពង់ចាមបានចូលរួមក្នុងសិក្ខា សាលាសមាហរណកម្ម កម្មវិធីវិនិយោគបីឆ្នាំរំកិល(២០២១-២០២៣)

នៅព្រឹកថ្ងៃទី០១ ខែកញ្ញា ឆ្នាំ២០២០ នៅសាលាស្រុកកងមាស ឯកឧត្តម អ៊ុនចាន់ដា អភិបាលនៃគណៈអភិបាលខេត្តកំពង់ចាម អញ្ជើញចូលរួមជាអធិបតីក្នុងសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិល (២០២១-២០២៣) របស់រដ្ឋបាលស្រុក និងឃុំក្នុងស្រុកកងមាស ដោយមានការអញ្ជើញចូលរួមពីឯកឧត្តមអភិបាលរងខេត្ត គណៈអភិបាលស្រុក, ក្រុមប្រឹក្សាស្រុក, ប្រធានមន្ទីរ-អង្គភាពជុំវិញខេត្ត លោក លោកស្រីមេឃុំ មន្ត្រីពាក់ព័ន្ធ និងតំណាងអង្គការសង្គមស៊ីវិលផងដែរ។

ថ្លែងក្នុងឱកាសនោះ ឯកឧត្តម អភិបាលខេត្ត បានមានប្រសាសន៍ថា ការអនុវត្តកម្មវិធីកំណែទម្រង់ការអភិវឌ្ឍតាមបែបប្រជាធិបតេយ្យ នៅថ្នាក់ក្រោមជាតិ រដ្ឋបាលក្រុង-ស្រុក និងរដ្ឋបាលឃុំ-សង្កាត់ បានក្លាយទៅជារដ្ឋបាលថ្នាក់មូលដ្ឋាន ដែលមានមុខងារសំខាន់ ក្នុងការផ្តល់សេវាសាធារណៈ និងកិច្ចអភិវឌ្ឍសេដ្ឋកិច្ច នៅតាមមូលដ្ឋាន ដើម្បីឆ្លើយតបទៅនឹងតម្រូវការរបស់ប្រជាពលរដ្ឋក្នុងដែនសមត្ថកិច្ចរបស់ខ្លួន ដោយផ្អែកតាមផែនការអភិវឌ្ឍន៍របស់រដ្ឋបាលក្រុង-ស្រុក និងឃុំ-សង្កាត់ ដែលបានរៀបចំ និងអនុវត្តនូវគម្រោងហេដ្ឋារចនាសម្ព័ន្ធដូចជា ការសាងសង់ផ្លូវលំ ស្ពាន អណ្តូងទឹក ប្រឡាយទឹក សាលារៀន និងគម្រោងផ្តល់សេវាផ្សេងៗទៀតពាក់ព័ន្ធនឹងការផ្តល់សេវាសាធារណៈ ការផ្សព្វផ្សាយ ព័ត៌មានអំពីបញ្ហាសុខភាព និងអនាម័យតាមជនបទ ការផ្សព្វផ្សាយ ចំណេះដឹង អំពីបញ្ហាយេនឌ័រ ការ ទប់ស្កាត់ អំពើហឹង្សាក្នុងគ្រួសារ ដោយប្រើប្រាស់មូលនិធិឃុំ សង្កាត់ និងធនធានពីប្រភពផ្សេងទៀត ដើម្បីឆ្លើយតបទៅនឹងតម្រូវការជាអាទិភាពនានា របស់ប្រជាជននៅតាមមូលដ្ឋាន។ តាមរយៈដំណើរការរៀបចំកម្មវិធីវិនិយោគបីឆ្នាំរំកិល (២០២១-២០២៣) របស់រដ្ឋបាលក្រុង-ស្រុក និងរដ្ឋបាលឃុំ-សង្កាត់ ឃើញថាប្រជាជននៅមូលដ្ឋានមានតម្រូវការ អាទិភាពសម្រាប់ ដោះស្រាយ បញ្ហាមានច្រើនតែទំហំថវិកាមូលនិធិក្រុង ស្រុក និងមូលនិធិឃុំ-សង្កាត់ សម្រាប់វិនិយោគ គម្រោងនៅមានកម្រិត ទាមទារឲ្យមានការចូលរួមគាំទ្រ ពីមន្ទីរ-អង្គភាពជំនាញ សង្គមស៊ីវិល និងវិស័យឯកជន រួមគ្នាដោះស្រាយ បញ្ហាដែលកើតមាននៅមូលដ្ឋាន។

ឆ្លៀតក្នុងឱកាសនោះឯកឧត្តម បានណែនាំរដ្ឋបាលស្រុក មន្ទីរ-អង្គភាពជុំវិញខេត្ត មេឃុំ និងអ្នកពាក់ព័ន្ធ៖
១-រដ្ឋបាលក្រុង-ស្រុក បន្តពង្រឹងការគ្រប់គ្រង និងការអនុវត្តមុខងារក្នុងរចនាសម្ព័ន្ធគ្រប់គ្រងរដ្ឋបាលក្រុង-ស្រុកដែលទើបនឹងធ្វើសមារណកម្ម ឲ្យទទួលបានលទ្ធផលកាន់តែប្រសើរថែមទៀត។
២-គម្រោងសកម្មភាពដែលបានចុះហត្ថលេខា ក្នុងកិច្ចព្រមព្រៀងបណ្តោះអាសន្នគាំទ្រគម្រោងឃុំ-សង្កាត់ទាំងអស់ ក្នុងសិក្ខាសាលានេះ សូមឲ្យមន្ទីរជំនាញ និងភ្នាក់ងារអភិវឌ្ឍន៍ ផ្តល់ការអនុវត្តនៅឆ្នាំ២០២១ ឲ្យបានសម្រេចតាមចំនួនកិច្ចព្រមព្រៀងបណ្តោះអាសន្នដែលបានគាំទ្រនោះ ដោយធ្វើការសហការជាមួយឃុំ សង្កាត់ឲ្យបានជិតស្និទ្ធ និងល្អប្រសើរ។
៣-មន្ទីរជំនាញ និងភ្នាក់ងារអភិវឌ្ឍន៍ សូមបន្តផ្តល់ការគាំទ្រដល់គម្រោង សកម្មភាពអាទិភាពក្រុង-ស្រុក និងឃុំ-សង្កាត់បន្ថែមទៀត។ សូមប្រើប្រាស់ឲ្យអស់លទ្ធភាពនូវធនធានផ្សេងៗដែលបាន ពីថ្នាក់ជាតិតាមរយៈក្រសួង ឬ ធនធានពីដែគូនានា អង្គការជាតិ អន្តរជាតិ សប្បុរសជន និងពីប្រភពផ្សេងៗ ដើម្បីគាំទ្រដល់គម្រោងអាទិភាពរបស់ក្រុង-ស្រុក និងឃុំ-សង្កាត់ ទោះបីមិនបានចុះកិច្ចព្រមព្រៀងក្នុងសិក្ខាសាលានេះក៏ដោយ ដើម្បីឲ្យការអនុវត្តគម្រោងរបស់ភ្នាក់ងារអភិវឌ្ឍន៍ បានបញ្ចូលក្នុងផែនការក្រុង-ស្រុក និងឃុំ-សង្កាត់។
៤-រដ្ឋបាលក្រុង-ស្រុក និងឃុំ-សង្កាត់ ក្រោយពីសិក្ខាសាលានេះ គណៈកម្មាធិការកសាងផែនការ និងថវិកានៅក្នុងថ្នាក់រដ្ឋបាលរបស់ខ្លួន ត្រូវបន្តនីតិវិធីកម្មវិធីវិនិយោគ បីឆ្នាំរំកិលក្រុង-ស្រុក និងកម្មវិធីវិនិយោគរបស់ឃុំ-សង្កាត់ ជំហានបន្តទៀតដើម្បីដាក់ជូនក្រុមប្រឹក្សា អនុម័តឲ្យបានទាន់ពេលវេលាកំណត់។
៥-ឃុំ-សង្កាត់ ត្រូវពិនិត្យមើលលើគម្រោងអាទិភាពរបស់ខ្លួន ដែលមិនមានការគាំទ្រ ក្នុងសិក្ខាសាលាសមាហរណកម្មនេះត្រូត ពិនិត្យមើលលើការប្រើប្រាស់មូលនិធិរបស់ឃុំ-សង្កាត់ ដើម្បីដោះស្រាយបានបញ្ហាអាទិភាពរបស់ប្រជាជន៕FB_IMG_1598954644943 FB_IMG_1598954652023 FB_IMG_1598954660940 FB_IMG_1598954656426 FB_IMG_1598954672900

Filed in: ព័ត៌មានជាតិ
© 2020 ជាតិអភិវឌ្ឍន៍ | Cheat Aphiwat. All rights reserved. XHTML / CSS Valid.