ថ្ងៃពុធ២កើតខែស្រាពណ៍ឆ្នាំជូតទោស័កព.ស២៥៦៤ត្រូវនឹង
ថ្ងៃទី២២ខែកក្កដាឆ្នាំ ២០២០។
(ខេត្តកំពង់ធំ)
ឯកឧត្តម ឧត្តមសេនីយ៍ឯក ហាវ ចាន់សិទ្ធី អនុប្រធាននាយកដ្ឋានបុគ្គលិក នឹងឯកឧត្តម ព្រឹម រដ្ឋាអភិបាលរងខេត្តកំពង់ធំបានអញ្ជើញជាអធិបតីភាព ក្នុងពិធីបំពាក់ឋានន្តរស័ក្ក និងផ្ទេរភារកិច្ចតែងតាំងមុខតំណែងជូនមន្ត្រីនគរបាលជាតិនៃស្នងការដ្ឋាននគរបាលខេត្តកំពង់ធំ។
បន្ទាប់ពីលោក ឧត្តមសេនីយ៍ទោ អ៊ុកកុសល ស្នងការដ្ឋាននគរបាលខេត្តកំពង់ធំ បានធ្វើ..កិច្ចស្វាគមន៍ គណៈអធិបតី រួមទាំងភ្ញៀវកិត្តិយស នៅក្នុងពិធីរួចមក ក៏បានអាន ព្រះរាជក្រឹត្យអនុក្រឹត្យ និងអនុក្រឹត្យ ប្រកាស របស់ក្រសួងមហាផ្ទៃ ស្ដីពីការផ្ទេរភារកិច្ច តែងតាំងមុខតំណែង និងតំម្លើងឋានន្តរស័ក្តិ ជូនមន្ត្រីនគរបាលជាតិ នៃស្នងការដ្ឋាននគរបាលខេត្តកំពង់ធំ។
ពិធីប្រកាសផ្ទេរភារកិច្ច តែងតាំងមុខតំណែងជូនមន្ត្រីនគរបាល នៃស្នងការដ្ឋាននគរបាលខេត្តកំពង់ធំ មានស្នងការរងប្រាំមួយនាក់ នាយការិយាល័យ ២នាក់រងការិយាល័យ៨អធិការ២នាក់អធិការរង១២នាក់ នាយផ្នែក៩នាក់នាយរងផ្នែក១៨នាក់បំពាក់ឋានន្តរ ស័ក្តិថ្នាក់ឧត្តមសេនីយ៍ត្រី១នាក់ ថ្នាក់វរសេនីយ៍ឯក ១នាក់ ថ្នាក់វរសេនីយ៍ទោ ១៩នាក់ ថ្នាក់វរសេនីយ៍ត្រី២៨នាក់ ថា្នក់អនុសេនីយ៍ទោ១៨នាក់
អនុសេនីយ៍ទោ៤២នាក់ ថ្នាក់អនុសេនីយ៍ត្រី៦នាក់ថ្នាក់ព្រិន្ទបាលឯក ៧នាក់សរុបចំនួន១២២។
ឯកឧត្តម ព្រឹម រដ្ឋាអភិបាលរង ខេត្ត កំពង់ធំបានមានប្រសាសន៍ថា ផ្តាំផ្ញើរដល់មន្រ្តីនគរបាលខេត្តកំពង់ធំ ដែលទើបតែទទួលបានការតម្លើងឋានន្តរសក្តិថ្មី ត្រូវប្រឹងប្រែងអនុវត្តតាមបទវិន័យលេខ០០៦ របស់នគរបាលជាតិ ខិតខំបំរើប្រជាពលរដ្ឋការពាររក្សាសន្តិសុខ សុវត្ថិភាពជូនប្រជាជន រក្សាសាមគ្គីឯកភាពផ្ទៃក្នុង ចៀស
វាងការ បែកបាក់សាមគ្គីនៅក្នុងអង្គភាព។
ឯកឧត្តម ឧត្តមសេនីយ៍ឯក ហាវ ចាន់សិទ្ធី. បានកោតសរសើរ ចំពោះកិច្ចការសហការដ៏ល្អ រវាងអាជ្ញាធរខេត្ត និងតាមមន្ទីរ ស្ថាប័នអង្គភាពជុំវិញខេត្តកំពង់ធំ ជាមួយនឹងស្នងការដ្ឋាននគរបាលខេត្តកំពង់ធំ និងសូម សំណូមពរ ថ្នាក់ដឹកនាំនិងនាយ នាយរង នាយផ្នែក នាយការិយាល័យ ចំណុះឲ្យស្នងការនគរបាល ខេត្តកំពង់ធំ ត្រូវអនុវត្តឲ្យបាន យ៉ាងម៉ឺងម៉ាត់ ចំពោះវិន័យនិងសេចក្តីថ្លៃថ្នូររបស់កងកម្លាំង ស្មោះត្រង់ដាច់ខាតចំពោះរាជរដ្ឋាភិបាល ដែលកើតឡើងពីការបោះឆ្នោតដោយស្របច្បាប់ គ្រប់មន្រ្តីនគរបាលទាំងអស់ ត្រូវចូលរួមសហការជាមួយ អាជ្ញាធរ និងកងកម្លាំងមានសមត្ថកិច្ច ការពារសន្តិសុខសណ្តាប់សុវត្ថិភាពជូន ប្រជាពលរដ្ឋ និងត្រូវធ្វើជាគំរូល្អដល់ប្រជាពលរដ្ឋផងដែរ៕
