នាព្រឹកថ្ងៃអង្គារ ១២រោច ខែស្រាពណ៍ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី១២ ខែកញ្ញា ឆ្នាំ២០២៣ កិច្ចប្រជុំដឹកនាំដោយលោកឧត្ដមសេនីយ៍ទោ សម សាមួន ស្នងការ នគរបាលខេត្ដកំពង់ស្ពឺនិងមានការចូលរួមពី លោក លោកស្រី ស្នងការរង ទទួលផែនការងារជំនាញទាំង១២ លោក ស្នងការរង ទទួលជំនួយការដឹកនាំការិយាល័យ លោក លោកស្រី នាយការិយាល័យជំនាញទាំង៣០ លោកអធិការ នគរបាលក្រុង និងស្រុក ទាំង០៩ ព្រមទាំងមន្រ្ដីកងកម្លាំងនគរបាលមួយចំនួនទៀត។
សូមបញ្ជាក់ថា ស្នងការដ្ឋាននគរបាលខេត្ដបានដាក់ចេញនូវិធានការ បង្ការ ទប់ស្កាត់ និងបង្រ្កាបបទល្មេីស នានានៅក្នុងខេត្ដ ចូលរួមអនុវត្តពង្រឹងការងារស្របតាមគោលនយោបាយ ភូមិ ឃុំ សង្កាត់ មានសុវត្ថិភាព លេីសពីនោះ មុខសញ្ញាក្រុមក្មេងទំនើង ដេីរមិនចូលផ្ទះ យប់ថៃ្ង ជាបញ្ហាក្ដៅគគុកក្នុងការកំណត់ជាអត្ថិភាពត្រូវគ្រប់គ្រងនិងអនុវត្ដដោយឈរលេីកិច្ចសហការពីអាជ្ញាធរមានសមត្ថកិច្ច ពិសេសនាយកសាលា មេភូមិ មេឃុំ និងអាណាព្យាបាលមាតាបិតាសិស្ស ព្រមទាំងពលរដ្ឋ ជាម្ចាស់អាជីវកម្ម នានារួមចំណែកក្នុងការផ្ដល់ព័ត៌មាន និងទប់ស្កាត់សកម្មភាពទាន់ពេលវេលា ក្នុងករណីនេះផងដែរ ក្នុងនាមស្នងការដ្ឋាននគរបាលខេត្តកំពង់ស្ពឺ ស្នេីសុំសំណូមពរដល់ក្មួយៗ មាតាបិតា ជួយជម្រុញណែនាំកូនចៅ ជៀសវាងចូលរួមក្នុងសកម្មភាពណាមួយដែលពាក់ព័ន្ធនឹងផ្លូវច្បាប់( បង្កអសន្ដិសុខប៉ះពាល់សណ្ដាប់ធ្នាប់សាធារណៈនិងសុវត្ថិភាពសង្គម ) សមត្ថកិច្ចនឹងចំណាត់ការផ្លូវច្បាប់៕
