ខេត្តតាកែវ៖ នាព្រឹកថ្ងៃព្រហស្បតិ៍ ៦កើត ខែជេស្ឋ ឆ្នាំថោះ បញ្ចស័ក ពុទ្ធសរាជ ២៥៦៧ ត្រូវនឹងថ្ងៃទី២៥ ខែឧសភា ឆ្នាំ២០២៣ លោកឧត្តមសេនីយ៍ត្រី សៅ សារុន ស្នងការរង ផែនការងារសេនាធិការ តំណាងដ៏ខ្ពង់ខ្ពស់លោកឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ បានដឹកនាំប្រតិភូស្នងការដ្ឋាននគរបាលខេត្តតាកែវ “អញ្ជើញជួបសំណេះសំណាល និងទទួលយកអំណោយរបស់ស្នងការដ្ឋាននគរបាលខេត្តអានយ៉ាង សាលាក្រុងចូវដុក ទីរួមខេត្តទិញបៀន និងសាលាស្រុកអានភូ ជូនដល់ស្នងការដ្ឋាននគរបាលខេត្តតាកែវ និងស្នងការដ្ឋាននគរបាលខេត្តកំពង់ឆ្នាំង។ ប្រតិភូស្នងការដ្ឋាននគរបាលខេត្តអានយ៉ាងដឹកនាំដោយលោកវរសេនីយ៍ឯក ឡឹម ភឿកង្វៀង ស្នងការនគរបាលខេត្តអានយ៉ាង នៃសាធារណៈរដ្ឋសង្គមនិយមវៀតណាម។
ថ្លែងក្នុងពិធីជំនួបសំណេះសំណាលនាឱកាសនោះលោកឧត្តមសេនីយ៍ត្រីស្នងការរងនគរបាលខេត្តតាកែវបានពាំនាំប្រសាសន៍ផ្តាំផ្ញើសួរសុខទុក្ខពីសំណាក់ឯកឧត្តម នាយឧត្តមសេនីយ៍សន្តិបណ្ឌិតនេត សាវឿន អគ្គស្នងការនគរបាលជាតិនិងឯកឧត្តមអ៊ូច ភា អភិបាលនៃគណៈអភិបាលខេត្តតាកែវបានកោតសរសេីរនិងសូមអរគុណដល់លោក
ស្នងការនគរបាលខេត្តអានយ៉ាង ដែលតែងតែបានឧបត្ថម្ភគាំទ្រជាថវិកា សម្ភារ: និងគ្រឿងឧបភោគ បរិភោគជូនដល់ស្នងការដ្ឋាននគរបាលខេត្តតាកែវនាពេលកន្លងមក។
ឆ្លៀតក្នុងឱកាសដ៏ល្អនោះភាគីទាំងពីរបានឯកភាពដាក់ចេញនូវទិសដៅកិច្ចសហ
ប្រតិបត្តិការ ក្នុងការបង្ការទប់ស្កាត់អំពេីភេរវកម្ម ព្រហ្មទណ្ឌ គ្រឿងញៀន ជួញដូរមនុស្ស និងបន្តរក្សាសាមគ្គីភាព មិត្តភាព កិច្ចសហប្រតិបត្តិកា ជាពិសេសសហការប្រយុទ្ធប្រឆាំងជំងឺកូវីដ(COVID-១៩)នៅតាមតំបន់ព្រំដែននៃខេត្តទាំងពីរ។ ជាចុងក្រោយភាគីទាំងពីរបានជូនវត្ថុអនុស្សាវរីយ៍ឱ្យគ្នាទៅវិញទៅមក ដេីម្បីរឹតចំណងសាមគ្គីភាព មិត្តភាពយូរអង្វែង និងពិសាអាហារសាគ្គីផងដែរ៕
